1. Hezkuntza ikerkuntzaren balioa identifikatu, hezkuntza errealitatearen ezagutza eta ulermen sistematiko erraztu ahal izateko.
2. Giza eta gizarte zientzien arloan, eta bereziki Hezkuntzan, ikerkuntza zientifikoak dituen berezko ezaugarriak identifikatu.
3. Ikerkuntza metodologi eta aldaera desberdinen arteko elkarbizitza ulertu
4. Hezkuntzaren arloan, ikerkuntza zientifikoaren prozesuan parte hartu duten jarduera desberdinak identifikatu.
5. Hezkuntzaren praktikarako interesgarriak izan daitezkeen ikerkuntza gai eta arazoak proposatu.
6. Helburuak eta hipotesi zientifikoak formulatu.
7. Ikerkuntza-proiektuaren jarduerak sendotasun teoriko-praktikoz garatu,
8. Komunikazio zientifikoetan oinarrituz, ikerkuntzazko jarduera desberdinak ezagutu eta baloratu
9. Ikerkuntza-prozesuan berrikuspen bibliografikoak duen garrantzia baloratu.
10. Ikerkuntza-txostenaren elementu garrantzitsuenak identifikatu.
11. Ikerkuntza mota desberdinak kontutan hartuz, ikerkuntza-txostenak klasifikatu
12. Ikerkuntza-txostenen kalitatea ebaluatzeko erabilgarriak diren hainbat irizpide identifikatu.
13. Ikerketen planifikazio, gauzatze eta komunikazioan, kontutan hartu behar diren hainbat alderdi etikoek duten garrantziaz jabetzea.

.

 

METODOLOGIA

• Eskola teorikoak: gai bakoitzari dagokion oinarrizko aspektu teorikoen azalpena, agindutako irakurketen argiztapenak eta eztabaidak. Eskola teoriko hauen oinarrizko materiala, irakasleak Interneten eskegi dituen testuak, gelan hartutako oharrak eta gelan banatutako materialak dira. Denera 75 ordu, horietatik 35 presentzialak eta 40 eskolaz kanpokoak.
  
• Eskola praktikoak: emandako materialaren azterketa, eztabaidak, ariketak, e.a. Denera 25 ordu, horietatik 15 presentzialak eta 10 eskolaz kanpokoak. Eskoletara etortzen direnek, taldekako hainbat jarduerak egin behar dituzte. Halaber eta bakarka 32 jarduera egin behar dute, Taldeak gehienez 4 kidez osatuko dira eta jarduera guztiak GOOGLE SITES plataforman eskegiko dira.
  
• DILANerako eskola praktikoak: Moduluko DIsziplinartekoa LANa egiteko gida (DILAN) burutzeko eskoletatik kanpoko jardueraz gain, DILAN jarduerari jarraipena emateko eskolak egongo dira beharrezkoa ikusten denean. DILANari dagokion txostena entregatu behar dute. Jarduera honi buruzko informazio guztia, "MODULUKO DISZIPLINARTEKO LANA EGITEKO GIDA - IV DILAN" izeneko dokumentuan aurkitu daiteke. Ikus: "MODULUKO DISZIPLINARTEKO LANA EGITEKO GIDA - IV DILAN" dokumentua. Denera 50 ordu, .
  
• Eskoletara etortzen ezin diren ikasleak. Eskoletara ez etortzeko baimena duten ikasleek, 1,3,4,5,6,7,8,9,10,15,19,20,21,22,23,27 eta 28 jarduerak egin behar dituzte. Jarduera hauek bakarka egin behar dira

EBALUAZIOA / KALIFIKAZIOA

• Ikasgai honen ebaluazioa , hausnarketa prozesu gisa ulertzen da. Ikasleak bere buruaren kontzientzia hartzen du eta lortu beharreko helmugak ezagutu behar ditu. Irakaslea berriz, prestakuntzazko helburuak lortzeko orientatzen duen gidaria bihurtzen da. Zentzu honetan, Ikaskuntzari Bideratutako Ebaluazioa (IBE) (Learning-Oriented Assessment) proposatzen da. Hau eman dadin, ez da nahikoa ebaluatzeko erabiltzen diren tresnak eta prozedurak bakarrik aldatzea, beste hainbat alderdi ere aldatu beharko dira. Benetako IBEa eman dadin, hona hemen bete beharreko baldintzak:

  • Ebaluaziorako egingo diren ariketak, ikaskuntzarako ere balioko duten ariketak izango dira.
  • Feedback -en (atzera-elikadura) ordez, Feedforward -a (aurrera-elikadura) proposatzen da. Ikasleei informazioa eskaini behar zaie ez bakarrik jakiteko non dauden, bere lana eta ikaskuntza hobetzeko baizik.
  • Ikaslea inplikatu egin behar da bere lanaren ebaluazioan, hau da autoebaluazioak bere lekua izan behar du.

  Kalifikazioa, hautatutako ikaskuntza motaren arabera egingo da:

  1.-Eskola teoriko, praktiko eta DILANen parte hartzen duen ikaslea.

  DILANek, 20tik, 4 puntuko balioa izango du ikasgai bakoitzean eta moduluko irakasle taldearen artean izango da ebaluatua nahiz eta arduraduna talde bakoitzaren irakasle-tutorea izan.

  Ikasgairako gelditzen diren 16 puntu horiek horrela banatuko dira:

  • 6 puntu praktikak
  • 10 puntu teoriari buruzko azterketak (ikasgai honetan, aukera anitzeko proba objektiboa)

  Edozein kasuetan, ikasgai bakoitzean DILANerako diren klaseetara joatea derrigorrezkoa da.

  Eskola praktiko eta teorikoetan, %80 asistentzia eskatuko da. Bestalde, bertan eskatuko diren praktikak eta ariketak egitea ezinbestekoa izango da.

  Ikasgaia gainditzeko, bi atalak gainditu behar dira nahitaez 20tik 10 puntu lortuz. Ikasgaian (atal teorikoa gehi praktikoa), 16etik, gutxienez 6,5 atera beharko da eta 2 puntu DILANen.

  Azken kalifikazioa lortzeko, ikasgaian gehi moduluko DILANen lortutako kalifikazioak batuko dira eta zati 2 egingo da.

  2.-Eskoletara etortzen ez eta DILANen parte hartzen ez duen ikaslea.

  Kasu honetan, ikasgaiaren atal teorikoa azterketa (objektiboa, irekia eta mistoa) baten bitartez izango da ebaluatua eta kalifikazioaren oinarria izango da, egin beharreko praktikak azken kalifikazioa konpentsatzeko erabiliko direlarik. Irakasleak, horrela nahi badu, eskatu ahal izango du praktika horien ahozko aurkezpena.

  3.-Moduluko ikasgai guztietan matrikulatua ez dagoen ikaslea

  Kasu honetan, DILANa egin behar ez duten ikasleen egoera denez, 2. puntuan jarritakoak balio du.

• DILANaren ebaluaziari buruzko xehetasunak, jarduera horretarako sortu den "MODULUKO DISZIPLINARTEKO LANA EGITEKO GIDA - IV DILAN" dokumentuan ikusi daitezke.

DATAK

• Lehenengo eskola-eguna: urtarrilaren 25
• Azken eskola-eguna: maiatzaren 11
• Praktikak eta LANA entregatzeko azken eguna: maiatzaren 12
• Azterketak: maiatzaren 22, (11:00-13:00) eta ekainaren 12 (9:00-11:00)

OHARRA: Egitarau honen xehetasun gehiago ondoko dokumentuan aurkitu dezakezu: "HEZKUNTZA ARLOKO IKERKETA 2016-2017 Irakaskuntza Gida".