Fluidoak

Fluidoen estatika

Oinarrizko ekuazioa

Paradoxa hidrostatikoa

Likido baten
dentsitate erlatiboa

Prentsa hidraulikoa

Presio atmosferikoa
neurtzeko bi metodo

Huts-ponpa

U itxurako hodi bi

Azelerometroak

Histeresi zikloa

Saiakuntza

Aplikazio interesgarri bat da (fluidoen estatikaren oinarrizko ekuazioarena) U itxurako hodi batean bi likido nahastezin sartu eta adar bakoitzeko altuera-diferentzia neurtuz, bi likidoetako baten dentsitatea ezaguna bada, bestearena kalkula daiteke.

Oinarri fisikoak

Esperimentu honetan fluidoen estatikaren oinarrizko ekuazioa aplikatuko dugu:

Bi likido nahastezin hartzen dira, esate baterako, ura eta olioa. Uraren dentsitatea ezaguna da (1.0 g/cm3) baina bestearena, ordea, ez. Bi likidoak U itxurako hodi batean sartu, bakoitza adar batean, eta ikusten da, adar bakoitzeko altuerak ezberdin geratzen direla. Hala ere, irudiko A eta B puntuek altuera bera dutenez, presio berdinak izan behar dituzte. Batetik, A puntuko presioa da, atmosferikoa gehi h2 altuerako fluidoaren zutabeak eragiten diona. Fluido horren dentsitatea r2 bada: pA=p0+ρ2gh2 Bestetik, B puntuko presioa da, atmosferikoa gehi h1 altuerako fluidoaren zutabeak eragiten diona. Fluido horren dentsitatea r1 bada: pB=p0+ρ1gh1

Bi presio horiek berdinak izan behar dute, p_A=p_B, eta hauxe lortzen da:

Ekuazio horrek erakusten duenez, U txurako hodian bi likidoek atzematen dituzten bi altueren arteko erlazioa da bi likidoen dentsitateen arteko erlazioaren alderantzizkoa.

Saiakuntza

1.-Berria botoia klikatzen denean programa interaktiboak ausazko zenbaki bat asmatzen du, 0.5 eta 4.5 artean, eta hori izango da likido ezezagunaren dentsitatea (likido horia), eta esperimentu honetan lortu nahi duguna.

2.- Hasi botoia klikatuz, likido ezezaguna eskumako adarrean sartzen da, alegia, onil itxura duen muturrean (inbutu itxura), apurka apurka.

3.- Edozein momentutan programa Gelditu daiteke eta neurketak egin. Likido gehiago betetzeko, botoi bera klikatu behar da, baina orain Jarraitu izena dauka.

4.- Hodiak dituen eskala graduatuko marratxoetara zehatz-mehatz hurbiltzeko, Pausoka botoia klikatu.

5.-Bi likidoetako bat eskalatik irteten denean, programa gelditu egiten da.

Adibidea

Likido ezezaguna horiz adierazten da, ura (ezaguna) urdin argiz eta bi likidoen arteko muga marratxo gorri batez.

• Demagun likido ezezagunaren altuera neurtzen dugula, marratxo gorriarekiko, alegia, bi likidoen arteko mugarekiko.
  9−3.5=5.5 cm
• Ondoren, ur-zutabearen altuera neurtu behar da, marra berarekiko:
  25−3.5=21.5 cm.

Dentsitateen arteko erlaziotik likido ezezagunaren dentsitatea kalkulatzen da, r₂ :

Lortu dugun emaitza hori egiaztatzeko, Erantzuna botoia klikatu, ea programak asmatutako bera den.