Fluidoak |
Fluidoen estatika Arkimedesen printzipioa Solidoen eta likidoen dentsitateak nola neurtu Flotazioa bi likido nahastezinetan Hagatxo bat orekan partzialki murgilduta Gorputz bat fluido ideal batean zehar mugitzen Burbuila bat fluido likatsu batean mugitzen Hondoratutako barku bat azalera ekartzea Buia baten oszilazioak Esfera baten oszilazioak Descartesen deabrutxoa |
Higiduraren ekuazioak | |||
Gorputz txiki bat erortzen uzten da uraren mailatik 5 metro gorago eta ontziak 10 metroko sakonera dauka. Gorputz horren dentsitatearen arabera, gerta daiteke, gorputza uretan frenatzea berriro igotzea eta hasierako punturaino berriz itzultzea, edo bestela ontziaren hondoraino irits daiteke eta bertan elastikoki errebotatu. Ondorengo programa interaktiboak ez ditu biskositate efektuak kontutan hartzen, Arkimedesen bultzada soilik, baina oso interesgarria da higidura motak ikusteko, alegia, higidura azeleratua eta higidura dezeleratua abiaduraren eta azelerazioaren zeinuaren arabera. Higiduraren ekuazioakDemagun fluidoa ideala dela, alegia, ez daukala biskositaterik, eta beraz, ez duela eragiten marruskadura indarrik. Gorputz murgildu batek jasaten dituen indarrak bi dira: pisua eta bultzada. Izan ere, bultzada kalkulatzen da Arkimedes-en printzipioaren arabera. Hortaz, Newton-en bigarren legea honela idazten da: ma=bultzada - pisua
Jarraian, gorputzaren higidura-ekuazioak formulatuko ditugu, X ardatz bertikalean, eta uraren gainazala hartuko dugu jatorritzat. Erorketa askea h altueratik a=−g Eta gorputza uraren gainazalera honako abiaduraz iristen da: Higidura, fluidoan barrena v=v0+at Hasieran v0<0 denez, bi gauza gerta daitezke: batetik a>0 bada, v abiadura motelduz joango da (balio absolutuan) eta nulua izatera irits daiteke hondoa jo baino lehen.
Kasu horretan, gelditzera iristeko behar dituen t denbora eta x distantzia honakoak dira: Baldin x>−H (ontziaren sakonera) orduan gorputzak ez du hondoa ukitzen. Berriz ere gorantz azeleratzen hasten da eta, gainazalera iristean, hasieran zeukan abiadura bera dauka, v0 , eta hasierako tokiraino, h altueraraino, iristen da abiadura nuluaz. Marruskadurarik kontutan hartu ez dugunez, prozesu hau behin eta berriz errepikatuko da.
Gorputza hondoraino iristen da (x=−H posizioa) honako t aldiunean: −H=v0t+at2/2 Eta honako abiaduraz: vf=v0+at (vf<0) Hondoaren kontra gorputzak talka elastikoa jasaten du (abiadurak zeinua aldatzen du, bat batean) eta hortik aurrera gorantz doa: v=−vf+at
(v>0) Berriz ere gorantz azeleratzen hasten da eta, gainazalera iristean, hasieran zeukan abiadura bera dauka, v0 , eta hasierako tokiraino, h altueraraino, iristen da abiadura nuluaz. Marruskadurarik kontutan hartu ez dugunez, prozesu hau behin eta berriz errepikatuko da.. Gorputzaren tamaina txikia hartu dugu, horrela ez dugu bereziki aztertu behar gorputza uretan sartzen ari den edo irteten ari den tartetxoa. AdibideaHar dezagun gorputz txiki bat, honako dentsitateduna: ρs= 0.4 g/cm3=400 kg/m3. Gorputz hori 5 metroko altueratik erortzen uzten dugu, eta uraren gainazalera iristen da v0=−9.9 m/s.-ko abiaduraz (t=1.01s). Behin fluidoan sartuta, bere azelerazioa hau da: (1000-400)·9.8/400=14.7 m/s2 (goranzko azelerazioa). Beraz, beheranzko abiaduraz eta goranzko azelerazioaz, abiadura gutxitzen hasten da, baliogabetzen den arte, 0.67 s beranduago (t=1.68s) eta x=−3.33 metroko sakoneran. Ondoren, gorantz abiatzen da, gainazalera iristen da v0=+9.9m/s-ko abiaduraz, eta azkenik airean igotzen da 5 metroko altueraraino. Aldiz, gorputzaren dentsitatea urarena baino handiagoa bada, adibidez 2.0 g/cm3. Uraren gainazalera iristean abiadura bera izango du, v0=−9.9 m/s. Baina uretan sartuta honako azelerazioa: (1000-2000)·9.8/2000=−4.9 m/s2 (beherantz). Hortaz, abiadura handitzen segituko du hondoa ukitzen duen arte (0.83 s beranduago eta 14.0 m/s-ko abiaduraz). Hondoan errebotatu ondoren, talka elastikoa denez, ibilbide osoa errepikatzen du aurkako noranzkoan, baina abiadura berdinekin, eta hasierako posizioraino iritsiko da. Honela ere behin eta berriz errepikatuko da. Energiaren ikuspegia
SaiakuntzaAukeran idatz daiteke
Hasi botoian klikatu. Leihatilaren ezkerraldean, gorputza erortzen ikusten da, lehenik airean eta, ondoren, fluidoan baina, uneoro, indarrak adierazten dira pisua (beltza) eta bultzada (gorria). Leihatilaren eskumako aldean grafiko batek erakusten du gorputzaren abiadura (urdina) eta azelerazioa (gorria) denboraren menpe. Oso interesgarria da, grafikoan, higidura azeleratua eta dezeleratua erlazionatzea abiaduraren aldaketekin. Egin itzazu ariketaren kalkuluak lehenik, eta ondoren konpara itzazu programa interaktiboak ematen dituenekin. Froga bitez hiru kasu ezberdinak:
|