Solido zurruna |
Solido zurrunaren higidura orokorra Bi higidura-mota gainezarrita Maxwellen gurpila Errotazioa eta translazioa egokituta (I) Gurpil bati indar horizontala aplikatu Gurpila, malda inklinatuan errodatzen Errotazioa eta translazioa egokituta (II) Deformazioak gurpilean eta planoan Gurpila errodatzen eta azpiko planoa desplazatzen Bi esfera aurrez- aurre talka egiten Perkusio bat billar-bola batean Esfera bat mugitzen plano horizontal batean Billar-bola bi talka egiten |
Deskribapena | ||||||
Oso esperimentu ezaguna da mahai-zapi baten gainean botila bat edo bestelako gurpil bat kokatzea eta ondoren mahai-zapitik tirakada bat ematea. Gurpila mahai-zapiaren norabidean desplazatzen da, baina aurkako noranzkoan biratzen du. Higidura berezi horren sortzailea gurpilaren eta mahai-zapiaren arteko marruskadura-indarra da. Hala ere, garrantzia du tirakada nola egiten den: oso astiro tiratzen badugu, gurpila desplazatu egiten da baina ez du errodatzen, eta aldiz, oso bizkor tiratzen badugu, mahai-zapiak irristatu egiten du eta gurpilak ez du ia biratzen. DeskribapenaIrudiak gurpil bat adierazten du, m masaduna eta R erradioduna, eta mahai-zapia eskumarantz desplazatzen ari da abiadura konstanteaz: vm. Kalkula dezagun gurpilaren masa-zentroaren translazio-abiadura (vmz) eta gurpilaren errotazioaren abiadura angeluarra (ω). Dinamika
Hona hemen gurpilaren higiduraren ekuazioak:
Ekuazio bi horien artean F eliminatuz, azelerazio biak erlaziona daitezke: amz=k·R·a Erlazio hori bera lortzen da translaziozko abiaduraren (vmz) eta errotaziozko abiaduraren (w) artean:
Gurpilak mahai-zapiarekiko ez badu irristatzen, orduan bere masa-zentroaren abiadura erlatiboa mahai-zapiarekiko hau izango da: V=ωR, eta ezkerrerantz izango da, izan ere, horrantz delako errotaziozko abiadura angeluarra, ω, alegia erlojuaren orratzen aurka. Orduan, gurpilaren masa-zentroaren abiadura honela adieraz daiteke: vmz = -kV (jakinda V negatiboa dela).
Ezagutzen bada, mahai-zapiaren abiadura, vm, orduan gurpilaren masa-zentroaren abiadura kalkula daiteke mahaiarekiko:
eta baita, gurpilaren abiadura erlatiboa mahai-zapiarekiko:
Demagun mahai-zapiaren luzera d dela (hobe esanda, gurpilaren P puntutik mahai-zapiaren amaierara hasieran dagoen distantzia). Orduan gurpila mahai-zapiaren gainean mugitzen egongo da honenbeste denbora: t=d/|V|. Denbora horretan gurpilaren masa-zentroa eskumarantz desplazatu da honako distantzia hau: x=vmz·t=k·d. Momentu angeluarraGurpilari bira-arazten dion indarra F da, P puntuan aplikatzen dena. Indar horren momentua P puntuarekiko nulua da, hortaz gurpilaren momentu angeluarra P puntuarekiko konstantea izango da.
Momentu angeluar biek norabide bera dute (irudiaren planoarekiko perpendikularra) baina aurkako noranzkoak. L=Imzω -mRvmz=0 Gurpilaren inertzia-momentua honela adierazten da: Imz=kmR2, eta horrela, berriz ere lehengo erlazio bera lortzen da gurpilaren translazio-abiadura (vmz) eta errotazio-abiadura angeluarraren (ω) artean. vmz=kRω Gurpilari mahai-zapia bukatzen zaionean ez da gehiago mugitzen, ez ezkerrera ezta eskumara ere, alegia justu pausagunean geratzen da, bestela, momentu angeluarra ez litzateke nulua izango.
SaiakuntzaAukeran idatz daitezke:
Mahaia ikusten da (horia) eta gainean gurpila (grisa), biak pausagunean. Gurpilaren eta mahaiaren artean mahai-zapia ere geldi dago (gorria). Mahai-zapiaren luzera ere finkotzat hartu da (d=6) Hasi botoia sakatu. Mahai-zapia mugitzen hasten da (eskumarantz) eta ondorioz gurpila ere bai. Gurpilaren translazioa eskumarantz da eta errotazioa erlojuaren orratzen aurka. Programak idatziz erakusten ditu, denbora eta gurpilaren masa-zentroaren posizioa. Egiazta daiteke gurpila zenbat desplazatzen den (x) mahai-zapiaren d desplazamenduaren menpe, eta behatu gorputz-motaren arabera aldatzen dela. Azkenean, gurpilari mahai-zapia amaitzen zaionean geldi geratzen da mahaiaren gainean. |
Ferguson J. Pulling the rug from under round objects. The Physics Teacher vol 39, April 2001, pp. 224-225.