Elektromagnetismoa

Eremu elektrikoa

Coulomb-en legea

Franklin-en motorea

Karga puntual baten
eremu eta potentziala

Karga-bikote baten
eremu eta potentziala

Dipolo elektrikoa

Zuzenki kargatua.
Gauss-en legea.

Kelvin-Thomson-en
eredu atomikoa

Faraday-ren kubeta.
Eroaleak

Van de Graaff-en
generadorea

Eroaleak (II)

Eroale batean
induzitutako karga

Esfera eroalea
eremu uniforme batean

Pendulu batez
kondentsadore bat
deskargatzen

Irudien metodoa

Karga-bikote batek sorturiko eremu elektrikoa

Saiakuntza

Gai honetan eremu-lerroaren kontzeptua eta gainazal ekipotentzialarena deskribatuko dira. Karga-bikote baten kasurako biak kalkulatu eta adieraziko dira.

Karga puntual batek sorturiko eremu elektrikoa eta potentziala

Partikula kargatu batek sorturiko eremu elektrikoa espazioko P puntu batean bektorea da; partikularen karga Q bada eta r distantzia badago partikularen eta puntuaren artean:

• modulua:
• norabidea: erradiala
• noranzkoa: kanporantz karga positiboa bada eta partikularantz karga negatiboa bada.

P puntuan Q kargak eragindako potentziala eskalarra da eta hona bere balioa:

Eremu elektriko bat adierazteko indar-lerroak irudika daitezke; lerrook eremu-bektorearen norabidearen tangenteak dira espazioko puntu guztietan.

Ondoko irudian partikula kargatu baten eremu-lerroak adierazi dira: partikulatik pasatzen diren lerro zuzenak dira. Bestalde, gainazal ekipotentzialak esfera itxi eta zentrukideak dira.

Karga-bikote batek sorturiko eremu elektrikoa

Partikula kargatu bat baino gehiago hurbil daudenean eremu elektriko erresultantea karga bakoitzak sorturiko eremu elektrikoen batura bektoriala da. Har dezagun irudiko karga-bikotea.

Hona hemen karga bakoitzak sortutako eremuaren modulua: Eta hona eremu erresultantearen osagaiak.

Eremua indar-lerroen tangentea denez, indar-lerroen ekuazioak honako baldintza bete behar du: irudian erakusten den bezalaxe.

Bestalde, P puntuko potentziala, karga bien eraginez, karga bakoitzaren potentzialen batura da.

Gainazal ekipotentzialak eremu-lerroen perpendikularrak dira edozein puntutan. Irudian XY planoan gainazal ekipotentzialen ebaketa irudikatuko dugu:

Gainazal ekipotentzialen ekuazioa hortaz:

Saiakuntzak

Idatzi beharrekoak:

• Q1 laukitxoan ezkerreko partikularen karga (positiboa zein negatiboa).
• Q2 laukitxoan eskumako partikularen karga (positiboa zein negatiboa).

Berria botoia sakatu.

Hautatutako karga-bikotearentzat kolore zuriaz eremu-lerroak adierazten dira, eta kolore urdinaz ekipotentzialak.

Egin bitez ondorengo frogak:

• Karga bi berdinak eta zeinu berekoak
• Karga bi berdinak eta aurkako zeinuak
• Karga bi ezberdinak eta zeinu berekoak
• Karga bi ezberdinak eta aurkako zeinuak